Tadbirkorlar uchun maslahatlar. Uslubiy qoʻllanma

Ushbu uslubiy qoʻllanma tadbirkorlik faoliyatini boshlashdan uni tugatishgacha boʻlgan barcha harakatlarning huquqiy asoslari hamda uni amalga oshirish tartib-qoidalar haqida toʻliq maʼlumot taqdim etadi. Qoʻllanmada tadbirkorlik faoliyatini boshlashning asosiy qadamlari, uni davlat roʻyxatidan oʻtkazish tartibi, firma nomini tanlashga boʻlgan talablar, tadbirkorlik subyektini tugatish asoslari hamda bugungi kunda tadbirkorlarga yaratib berilgan imtiyozlar va ularni huquqiy jihatdan qoʻllab-quvvatlashga doir asosiy maʼlumotlar batafsil yoritib beriladi. Shu bilan birga qoʻllanmada tadbirkorlik subyektlari uchun, tadbirkorlik faoliyati turini erkin tanlash va tanlangan faoliyat bilan toʻsiqlarsiz shugʻullanish hamda tadbirkorlik faoliyati toʻliq davlat muhofazasida ekanligi haqida maʼlumotlar beriladi. Mazkur nashr tadbirkorlik faoliyatiga yangi kirib kelmoqchi boʻlgan fuqarolar, hozirda tadbirkorlik faoliyatini amalga oshirayotganlar hamda tadbirkorlar bilan bevosita va bilvosita ishlovchi mutasaddi tashkilotlar uchun  muhim qoʻllanma boʻlib xizmat qiladi.