Bolalar uchun xavfsizlik qoidalari

Hurmatli ota-onalar!

Bolalar esini tanib, gapga tushunadigan yoshga yetishi bilan ularga xavfsizlik qoidalarini anglatib borish lozim. Xavfsizlik qoidalari bola u yoki bu sababga ko‘ra yolg‘iz qolgan sharoitda uni himoya qiluvchi va xavflardan asrovchi xatti-harakatlar majmuidan iborat.

Bola yoshligidanoq insonlar har xil bo‘lishini va faqat o‘zi tanigan odamlar bilangina muloqot qilish kerakligini bilishi lozim.

Xavfsizlik qoidalarini yaxshi bilgan bola murakkab vaziyatlarda to‘g‘ri qaror qabul qilishi va o‘zini xavfdan mustaqil ravishda himoyalashi mumkin.

Mazkur qo‘llanma 3 yoshdan 16 yoshgacha bo‘lgan bolalarga mo‘ljallangan. Kitobchani bolalaringizga bering, o‘qishni bilmasa, o‘zingiz o‘qib bering, ma’lumotlarni ularning ongiga singdiring, qoidalarni qaytarishini so‘rang. Ushbu qoidalar ularning hayotida naqadar muhim rol o‘ynashini tushuntiring.