Ijro intizomi va korrupsiyaga qarshi kurashish

Mazkur qoʻllanma davlat organlari va tashkilotlarida ijro intizomini taʼminlash, uni yanada mustahkamlash, korrupsiyaga qarshi kurashish choralarini koʻrish, ularni yanada takomillashtirish masalalariga bagʻishlanadi.

Qoʻllanmada davlat organlari va tashkilotlarida ijro intizomini tashkil etish va taʼminlashning huquqiy asoslari, mazkur sohadagi amaliyot, “Ijro.gov.uz” tizimida qonunchilik hujjatlari va topshiriqlar ijrosini tashkil etish, qonunchilik hujjatlari va topshiriqlarning bajarilishini nazorat qilish, ularning ijro muddatlarini uzaytirish masalalari yoritilgan.

Shuningdek, qoʻllanmada korrupsiya tushunchasi, unga qarshi kurashish boʻyicha amalga oshirib kelinayotgan ishlar, korrupsiyaga qarshi kurashish sohasidagi davlat siyosatining asosiy yoʻnalishlari, mazkur sohadagi normativ-huquqiy hujjatlar, normativ-huquqiy hujjatlar va ular loyihalarining korrupsiyaga qarshi ekspertizasiga oid maʼlumotlar berilgan.