Sanoat ahamiyatiga ega boʻlgan foydali qazilmalar yangi konlarini ochganlik yoki ilgari maʼlum boʻlgan konlarni tubdan qayta baholaganlik uchun pul mukofotlari toʻgʻrisida uslubiy qo‘llanma

Mazkur uslubiy qo‘llanma O‘zbekiston Respublikasida sanoat ahamiyatiga ega bo‘lgan foydali qazilmalar bo‘yicha yangi konlarni ochish yoki mavjud konlarni tubdan qayta baholash natijasida erishilgan ilmiy-amaliy yutuqlarni rag‘batlantirish mexanizmlarini belgilab beradi. Ushbu qo‘llanma geologiya-qidiruv faoliyatida  innovatsion yondashuvlarni qo‘llash, geologik izlanishlarning samaradorligini oshirish hamda konchilik sanoatida yuqori natijalarga erishgan mutaxassislarni moddiy rag‘batlantirishning yagona tartibini shakllantirishga qaratilgan.

Uslubiy qo‘llanma Tog‘-kon sanoati va geologiya sohasida faoliyat yurituvchi tashkilotlar, geologiya-qidiruv ekspeditsiyalari, ilmiy tadqiqot muassasalari, yer qa’ridan foydalanuvchilar hamda geologik jarayonlarga jalb qilingan boshqa mutaxassislar uchun mo‘ljallangan bo‘lib, foydali qazilma konlarini aniqlash va qayta baholash natijalariga ko‘ra pul mukofotlarini tayinlash, hisoblash va berish tartibini aniq, shaffof va bir xil metodika asosida amalga oshirishda amaliy qo‘llanma sifatida xizmat qiladi.