Нодавлат таълим хизматларини кўрсатиш соҳасидаги фаолиятни лицензиялаш тўғрисида услубий қўлланма

Мазкур услубий қўлланма нодавлат таълим хизматларини кўрсатиш соҳасида фаолиятни лицензиялаш тартибини амалий жиҳатдан тушунарли ва изчил ёритишга қаратилган. Қўлланмада лицензия олиш учун қўйиладиган асосий талаблар, зарур ҳужжатлар, ариза топшириш босқичлари, ваколатли органлар билан ўзаро ҳамкорлик тартиби ҳамда лицензия бериш (ёки рад этиш) мезонлари қисқа ва аниқ баён этилади. Ушбу қўлланма нодавлат таълим ташкилотларини ташкил этаётган ташаббускорлар, раҳбарлар, юристлар ҳамда таълим хизматларини қонуний йўлга қўйишни мақсад қилган барча манфаатдор шахслар учун мўлжалланган. Қўлланма амалдаги норматив-ҳуқуқий ҳужжатлар талаблари асосида тайёрланган бўлиб, лицензиялаш жараёнида хатоларнинг олдини олиш ва ҳужжатларни тўғри расмийлаштиришда амалий ёрдам беради.

Қонунчилик ҳужжатлари ўзгариши муносабати билан ушбу қўлланма такомиллаштириб борилади, шу сабабли, қўлланманинг чоп этилган санасига эътибор қаратиш лозим.