Электр энергетикаси соҳасини давлат томонидан тартибга солиш тўғрисида услубий қўлланма

Ушбу услубий қўлланма электр энергетикаси соҳасида ишлаб чиқариш, узатиш, тақсимлаш, сақлаш ва истеъмолчиларга етказиб бериш жараёнларини самарали ташкил этиш ҳамда хавфсиз ва узлуксиз энергия таъминотини йўлга қўйиш бўйича амалий тавсияларни ўз ичига олади.

Қўлланманинг мақсади — электр энергетикаси тизимининг ишончлилигини таъминлаш, фавқулодда вазиятларнинг олдини олиш, ҳуқуқий ва ташкилий механизмларни такомиллаштириш ҳамда энергия самарадорлигини оширишга қаратилган ягона методологик асос яратишдан иборат.

Мазкур қўлланма электр энергетикаси объектларининг фаолиятини ташкил этишда, хавфсизлик чораларини белгилашда ва соҳада амалдаги норматив ҳужжатлар талабларига риоя этилишини таъминлашда фойдаланиш учун мўлжалланган.