Саноат аҳамиятига эга бўлган фойдали қазилмалар янги конларини очганлик ёки илгари маълум бўлган конларни тубдан қайта баҳолаганлик учун пул мукофотлари тўғрисида услубий қўлланма

Мазкур услубий қўлланма Ўзбекистон Республикасида саноат аҳамиятига эга бўлган фойдали қазилмалар бўйича янги конларни очиш ёки мавжуд конларни тубдан қайта баҳолаш натижасида эришилган илмий-амалий ютуқларни рағбатлантириш механизмларини белгилаб беради. Ушбу қўлланма геология-қидирув фаолиятида  инновацион ёндашувларни қўллаш, геологик изланишларнинг самарадорлигини ошириш ҳамда кончилик саноатида юқори натижаларга эришган мутахассисларни моддий рағбатлантиришнинг ягона тартибини шакллантиришга қаратилган.

Услубий қўлланма Тоғ-конь саноати ва геология соҳасида фаолият юритувчи ташкилотлар, геология-қидирув экспедициялари, илмий тадқиқот муассасалари, ер қаъридан фойдаланувчилар ҳамда геологик жараёнларга жалб қилинган бошқа мутахассислар учун мўлжалланган бўлиб, фойдали қазилма конларини аниқлаш ва қайта баҳолаш натижаларига кўра пул мукофотларини тайинлаш, ҳисоблаш ва бериш тартибини аниқ, шаффоф ва бир хил методика асосида амалга оширишда амалий қўлланма сифатида хизмат қилади.