Ер қаърини геологик жиҳатдан ўрганиш бўйича ишларни давлат ҳисобига олиш ва ер қаъри давлат фонди кадастрини юритиш тартиби тўғрисида услубий қўлланма

Мазкур услубий қўлланма Ўзбекистон Республикасида ер қаърини геологик жиҳатдан ўрганиш бўйича бажарилган ишларни давлат ҳисобига олиш ҳамда ер қаъри давлат фонди кадастрини юритиш тартибини белгилаб беради. Қўлланма геологик тадқиқотларнинг изчил, тизимли ва ягона методика асосида юритилишини таъминлаш, ер қаърига оид маълумотларни тўплаш, қайд этиш, сақлаш ва мунтазам янгилаб бориш жараёнларини такомиллаштиришга қаратилган. Мазкур услубий қўлланма Тоғ-конь саноати ва геология вазирлиги тизимидаги ташкилотлар, геология-қидирув экспедициялари, ер қаъридан фойдаланувчи корхоналар, илмий-тадқиқот институтлари ҳамда соҳа мутахассислари учун мўлжалланган бўлиб, ер қаърини геологик жиҳатдан ўрганиш ва кадастр маълумотларини ишончли, тўлиқ ва самарали юритишда амалий қўлланма сифатида хизмат қилади.

Қонунчилик ҳужжатлари ўзгариши муносабати билан ушбу қўлланма такомиллаштириб борилади, шу сабабли, қўлланманинг чоп этилган санасига эътибор қаратиш лозим.