Геология-қидирув ишлари бўйича услубий қўлланма

Мазкур услубий қўлланма геология-қидирув ишлари қийматини жорий нархларда ҳисоб-китоб қилиш тартибини белгилашга қаратилган бўлиб, у геология-қидирув ташкилотлари, лойиҳа институтлари, буюртмачи корхоналар ҳамда тегишли вазирлик ва идоралар учун амалий йўриқнома сифатида хизмат қилади. Қўлланмада геология-қидирув ишларининг турлари бўйича харажатларни шакллантириш мезонлари, уларни жорий нархларга келтириш усуллари, ҳисоб-китоб босқичлари ҳамда молиявий-иқтисодий асосларни тайёрлаш тартиби ёритилган. Ҳужжат геология-қидирув лойиҳаларини режалаштириш ва молиялаштиришда ягона ёндашувни таъминлаш, ҳисоб-китобларнинг шаффофлиги ва асосланганлигини ошириш ҳамда тармоққа оид норматив талабларнинг амалий ижросини самарали ташкил этишга хизмат қилади.